ERROTAN BERBETAN http://errotanberbetan.nireblog.com Gipuzkoako Foru Ogasuneko langile euskaldunon bloga Wed, 10 Feb 2010 01:57:18 +0100 ERROTAN BERBETAN http://static.nireblog.com/imagenes/logo.png http://errotanberbetan.nireblog.com http://nireblog.com TELP ikastaroa http://errotanberbetan.nireblog.com/post/2010/01/21/telp-ikastaroa http://errotanberbetan.nireblog.com/post/2010/01/21/telp-ikastaroa Ogasun Departamentuak eguneroko hizkuntz gatazkak gainditzeko ikastaroa antolatu du, Langile Euskaldunon Taldeak proposatuta.TELP tailerra ere esaten zaio ikastaroari: taller d'espai linguistic personal (katalanez), alegia norberaren hizkuntz eremuari buruzko tailerra.

Lan esparruan ez ezik, tailer honetan azaldutako teknikak oso baliagarriak dira lagunartean, seme-alaben eskola giroan, gure inguru sozialean (kirola, kultura…) ere. Tailerraren helburuak dira:

  • gizarte elebidunean sortzen diren eguneroko hizkuntza gatazkei aurre egiteko teknikak ikastea
  • euskaraz egiteari lotutako deserosotasuna gutxitzea
  • euskaraz egiten dugunean eroso sentitzeko baliabideak eskuratzea.

Metodologia partizipatiboa, praktikoa eta egokitua izango da, eta hartzaileak dira gatazkak egoeretan euskarari eutsi nahi dioten elebidunak.

Ikastaroa 2010eko urtarrilaren 28an eta otsailaren 4an eta 11n egingo da, Errotaburun. Gutxi gorabehera 3 orduko hiru saio izango dira (guztira 10 ordu).

Comments

]]> Thu, 21 Jan 2010 11:56:26 +0100 Nafarroa Oinez festaren alde http://errotanberbetan.nireblog.com/post/2009/10/06/nafarroa-oinez-festaren-alde http://errotanberbetan.nireblog.com/post/2009/10/06/nafarroa-oinez-festaren-alde Datorren urriaren 18an, igandez, Nafarroa Oinez festa ospatuko da Arbitzu, Lakuntza eta Arruazun, Etxarri Aranazko Andra Mari ikastolaren alde.

Ogasuneko Langile Euskaldunon Taldeak erabaki du herri haietako guraso talde horren asmoa babestea: beren seme-alabek nafar gizartean euskaraz bizitzeko aukera posible egitea irakaskuntzaren bidez. Horretarako, Nafarroa Oinezekoek salgai jarri dituzten kalitatezko kontserbak erosteko aukera izango duzue departamentuan.

Ogasuneko eskaerak

Solairuz solairu eta lantokiz lantoki antolatu da departamentuko salmenta, langile guztioi posta elektronikoz bidali zaizuen mezuaren arabera. Gogoan izan aleak solte (lankideekin batera osatuta, adibidez) edo kutxatan eros ditzakezuela.

Era berean, kontserba produktuen zerrenda iragarki tauletan izango duzue (postaz ere bidali zaizue).

Comments

]]> Tue, 06 Oct 2009 14:34:48 +0100 Hangoak eta hemengoak http://errotanberbetan.nireblog.com/post/2009/06/23/hangoak-eta-hemengoak http://errotanberbetan.nireblog.com/post/2009/06/23/hangoak-eta-hemengoak Joan den egunean ezagun baten hitzek zer pentsaturik eman zidaten. Hura kexu zegoen Katalunian katalan hiztun asko ohituta daudelako (katalanez ez dakien) haiei norbait gaztelaniaz zuzenduz gero ere katalanez jarraitzera.

Gaztelaniazko hiztunenganako errespetu falta omen da portaera hori, haren iritziz. Errespetu falta? Ez dakit, bada; azken finean, haien herrian daude katalanak eta hango herritar ia guztiek katalana ulertzen dute. Oro har, esango nuke katalanak hiztun asertiboak direla, alegia horrelako egoeretan hizkuntza ez aldatzen eta katalanez eroso hizketan jarraitzen ohituta daudela.

Gogora etortzen zait lantokian behin eta berriro ikusten dudanean euskal hiztunak euskaraz ari direlarik lankide bat -askotan elebiduna- gaztelaniaz zuzentzen zaiela, besteak euskaraz ari direla erreparatu gabe.

Azken kasu horretan, askotan inor ez da harritzen. Akaso, euskal hiztunek harridura-sentimendu isildu eta, hizkuntza aldarazi dietela jabetu gabe, gaztelaniara aldatzen dira.

Bolo-bolo irratian entzun dut uda pasata hiztunen asertibotasunari buruzko tailerra antolatzera doazela Errotaburun.

Comments

]]> Tue, 23 Jun 2009 07:59:54 +0100 Euskaraz seguruago http://errotanberbetan.nireblog.com/post/2009/06/05/euskaraz-seguruago http://errotanberbetan.nireblog.com/post/2009/06/05/euskaraz-seguruago Jakingo duzue agian Euskararen Gizarte Erakundeen Kontseiluak euskaraz seguruago kanpaina martxan daukala, aseguru etxeetan egiten ditugun kontratuak (etxeenak, kotxeenak...) euskaraz jartzeko, eta hemendik aurrera aseguru kontratuak euskaraz egitea ohiko bihurtzeko.


 

Kanpainan parte hartzea erabakita, bada, han joan nintzen aseguru etxera, horrelakoetan askotan gertatzen zaidan bezala, estu samar, nola hartuko ote ninduten beldurrez. Baina, hara non oso harrera ona egin zidaten! Baietz, bazutela kanpaina horren berri eta oso jarrera ona dagoela haien aldetik horretarako... Egia esan, bulego horretan eskaera egiten nuen lehenbizikoa nintzela... eta abar eta abar. 


 

Hala, bada, kanpaina horretan parte hartzera animatzen zaituztet. Erraza da: www.kontseilua.org webgunean sartuz gero han aurkituko duzue.

 

 

Koro Zumalabe

  

Comments

]]> Fri, 05 Jun 2009 14:13:23 +0100 Ongi etorri euskal hiztunon mundura http://errotanberbetan.nireblog.com/post/2009/05/27/ongi-etorri-euskal-hiztunon-mundura http://errotanberbetan.nireblog.com/post/2009/05/27/ongi-etorri-euskal-hiztunon-mundura Euskal Autonomia Erkidegoko IV. Mapa Soziolinguistikoaren datuen berri eman zuen Jaurlaritzak joan den apirilaren bukaeran. Herritar elebidunak gora doazela azpimarratu zuten, besteak beste.

Alde batetik, datu positibo batzuk eman zituzten:

  • EAEko biztanleen herena baino gehiago euskalduna da. Hiriguneetan zabaltzen ari dira euskal hiztunak.
  • Euskara ulertu baina hitz egiten ez dutenak biztanleriaren %15 dira. Datu horrek bidea ireki dezake euskaldun pasiboak euskal hiztunon artean daudenean harremana euskaraz izan dezaten.
  • Herritar elebidunen artean %44k gaztelania du ama hizkuntza (%59 dira 35 urtetik beherakoen artean). Horrek esan nahi du euskal hiztunon mundua irekia dela eta hiztun gehiago hartzeko bidea zabalik duela.

Bestetik, euskal hiztunon komunitateari erronka handi bat agertzen zaio, besteak beste: nolako atxikimendua dugun euskararekin. Izan ere, hizkuntz afektibitatea lantzea ezinbestekoa da, adibidez herritar elebidun berrien artean euskara etxeko hizkuntza gisa zabaltze aldera: ama hizkuntza gaztelania duten elebidunen %11k bakarrik erabiltzen du euskara familia-hizkuntza gisa. Eta hor, lagunartean eta lankide giroan bezala, afektibitateak zerikusi handia du elementu erakargarri gisa.

Comments

]]> Wed, 27 May 2009 09:48:02 +0100 Adobe Reader euskaraz http://errotanberbetan.nireblog.com/post/2009/05/05/adobe-reader-euskaraz http://errotanberbetan.nireblog.com/post/2009/05/05/adobe-reader-euskaraz

PDF dokumentuak irakurtzeko Adobe Reader programaren azken bertsioa (Adobe Reader 9, Adobe Acrobat ere esaten zaio), euskaraz dago orain Windowserako. Ez da, dena den, PDFak sortzeko edo irakurtzeko euskarazko aukera bakarra. Linux-en Evince dago, eta plataforma guztietan OpenOffice euskaraz izanda, dokumentuak (adibidez Word) PDF bihurtzea erraza da, software librea erabiliz bide batez.

Erref.: Adobe Reader euskaraz (get.adobe.com)

Comments

]]> Tue, 05 May 2009 14:39:44 +0100 Plaza libreak euskarazko ikastaro batean http://errotanberbetan.nireblog.com/post/2009/04/30/plaza-libreak-euskarazko-ikastaro-batean http://errotanberbetan.nireblog.com/post/2009/04/30/plaza-libreak-euskarazko-ikastaro-batean Foru Aldundiko Prestakuntza Atalekoek jakinarazi digute oraindik pertsona gehiagok izena eman dezaketela Nola babestu dezaket erabiltzen dudan informazioa ikastaroa euskaraz egiteko. Ikastaroa langile guztiontzat da interesgarri, eta bere helburua da egunero erabiltzen den informazioaren kudeaketa segurua egiteko jarraibideak ematea.

Ikastaroa berriro antolatuko ez denez, taldea osatzen laguntzeko eskatu digute. Hori dela eta, gonbitea luzatzen dizuegu Ogasun eta Finantza Departamentuan ikastaro horretan interesa duzuen langileoi ikastaro horretan izena eman dezazuen.

Ikastaroa datorren maiatzaren 20an izango da (5 orduz), eta izena emateko epea irekita dago oraindik Diputazioaren intranetean (Langileok atala).

Comments

]]> Thu, 30 Apr 2009 08:26:56 +0100 Prestakuntza euskaraz dator http://errotanberbetan.nireblog.com/post/2009/04/29/prestakuntza-euskaraz-dator http://errotanberbetan.nireblog.com/post/2009/04/29/prestakuntza-euskaraz-dator Zorionak eman berri dizkiete Gipuzkoako Diputazioko hainbat langileri Jaurlaritzako langile euskaldunen blogean (Tiraka). Izan ere, Aldundiko hainbat langileren artean, hamabik aukeratu zuten sinadura elektronikoari buruzko ikastaroa euskaraz egitea; gainerakoek, euskal hiztunak tartean, gaztelaniaz egiteko aukera jakinarazi zioten Aldundiko Prestakuntza Zerbitzuari. Blog horretakoen ustez, hamabi horien aukera ez da ohikoa izaten haien lan inguruetan, eta egoki ikusi dute ikastaroa euskaraz egitea aukeratu dutenak zoriontzea.

Zorionez, gero eta gehiago dira Diputazioan lanerako formazioa euskaraz egitea aukeratzen duten euskal hiztunak. Arrazoiak hainbat dira: lana euskaraz (ere) egiten dutenez, egokia eta beharrezkoa izatea; familian, lagunartean eta bizilekuan euskaldun bizi diren aldetik, lanean ere euskaraz formatzea natural ikustea; euskaraz formatzea oportunitate profesional interesgarritzat hartzea; …

Bestetik, komenigarria da gogoratzea oraindik Diputazioan euskaraz antolatutako hainbat ikastaro egin gabe geratzen direla pertsona gutxi dagoelako izena eman gabe. Horrelakoetan, Prestakuntzako antolatzaileentzat irtenbide bat izan daiteke langileen artean informazio gehiago zabaltzea eta profesional publiko  gisa euskaraz formatzeko motibazioa sustatzea.

Gainera, Diputazio osoko ikastaroetan ez ezik, departamentu bakoitza formazioan zertan hobetu badago: eguneroko lanei egokitutako ikastaroak antolatzea, euskaraz egiteko aukerak areagotzea eta hizkuntz irizpideak hobetzea...

Azkenik, hainbat lankideren ustez, langileen prestakuntza saioak euskaraz ematea Diputazioko euskal hiztunen artean laneko hizkuntz ohitura berriak sortzeko bide bat da. Hor erronka interesgarria dugu bai Aldundiak (euskarazko saio gehiago antolatzea) eta bai euskal hiztunok (euskarazko formazio saioetan izena ematea).

Comments

]]> Wed, 29 Apr 2009 08:45:55 +0100 Korrika badator http://errotanberbetan.nireblog.com/post/2009/03/10/korrika-badator http://errotanberbetan.nireblog.com/post/2009/03/10/korrika-badator Korrika badator, Tuteratik Gasteizera martxoaren 26tik apirilaren 5era. Beraz, bada garaia antxitxiketan hasteko eta korrikaren inguruan antolatzen diren ekitaldietan parte hartzeko (kulturbira, korrika kulturalean, ...). Hauen berri nahi izanez gero sar saitez helbide honetan: http://www.korrika.org/

ONGI ETORRI, LAGUN!!

Rami hasi zen Afrikan
eta Andoni Gernikan
Maddalen berriz Sohütan
Evaristo Amerikan
euskara herrian doa
Euskal Herria korrikan
euskara herrian doa
mundu bat euskal herritan

Mikel oinez gehienetan
Pepe eta Elvira trenetan
Mohamed lanetik bueltan
eta Nekane bizikletan
mundu bat doa korrika
hizkuntzaren bideetan
mundu bat doa korrika
euskararen herrietan

Comments

]]> Tue, 10 Mar 2009 16:31:23 +0100 Aurkezpen eraginkorrak: plaza libreak http://errotanberbetan.nireblog.com/post/2009/03/04/aurkezpen-eraginkorrak-plaza-libreak http://errotanberbetan.nireblog.com/post/2009/03/04/aurkezpen-eraginkorrak-plaza-libreak Inoiz gertatu da euskarazko formazio ikastaro bat egin gabe geratu dela pertsona gutxi zeudelako izena emanda. Hori ez gertatzeko, aipatu zerbitzuari inoiz esan zaio gaztelaniazko taldeetan izena emandako langile euskaldunei gonbitea luzatzeko euskaraz egiteko aukera aztertu dezan.

Oraingoan, Foru Aldundiko Prestakuntza Atalak jakinarazi du osatu gabe dagoela Aurkezpen eraginkorrak egiten ikasi ikastaroa euskaraz egiteko plaza kopurua. Ikastaroa bilerak antolatu edo bertan parte hartzen dutenei zuzenduta dago, eta haiei ahalik eta etekinik handiena ateratzeko.

Hori dela eta, blog honen bidez ere taldea osatzen lagundu nahi dugu. Horretarako, gonbitea luzatzen dizuegu Ogasun eta Finantza Departamentuan nahiz Foru Aldundian ikastaro horretan interesa duzuen langileoi ikastaro horretan izena eman dezazuen.

Ikastaroan izena emateko epea irekita dago, eta ohiko moduan (GFAren intraneta) inskribatu daiteke bertan.

Comments

]]> Wed, 04 Mar 2009 15:00:20 +0100 Izena emateko azken eguna martxoaren 4a http://errotanberbetan.nireblog.com/post/2009/03/03/izena-emateko-azken-eguna-martxoaren-4a http://errotanberbetan.nireblog.com/post/2009/03/03/izena-emateko-azken-eguna-martxoaren-4a Aurten ere, iritsi zaigu sagardotegirako ohiko espedizioa egiteko garaia. Ogasuneko Langile Euskaldunon Taldeak gonbitea luzatzen dizue gurekin batera mahaiaren inguruan eta kupelen ondoan elkartzera, betiere giro umoretsuan.

txotx.jpg

  • Noiz: martxoaren 12an, ostegunean
  • Non: Urkiola sagardotegian (Donostiako Igara auzoa)
  • Zer ordutan: 15:15etan, mundu guztia edalontzia eskutan
  • Zenbat: 33 euro besterik ez

Izena emateko azken eguna martxoaren 4a, asteazkena, izango da. Bazkarira Ogasuneko taldeak deitu arren, Diputazioko lankideengana irekita dago deia.

Izena emateko, Ogasuneko lantoki bakoitzeko ohiko pertsonengana jo behar da edo, bestela, mezua bidali gure taldearen helbidera: langileeuskaldunok(a bildua)gipuzkoa.net

Comments

]]> Tue, 03 Mar 2009 08:43:05 +0100 Egunkaria libre! http://errotanberbetan.nireblog.com/post/2009/02/20/egunkaria-libre http://errotanberbetan.nireblog.com/post/2009/02/20/egunkaria-libre egunkaria.bmpGaur sei urte itxi zuen Espainiako Auzitegi Nazionalaren aginduz Guardia Zibilak Euskaldunon Egunkaria, eta gaur berriro elkartu dira Andoainen (Gipuzkoa), Martin Ugalde Kultur Parkean -han zegoen Egunkaria-ren egoitza- hainbat eragile, auzibidea ixteko eskatuz. Hamabietatik aurrera Egunkaria libre! lelopean batu dira berrehun bat lagun, Egunkariaren Aldeko Taldeak deituta.

"Gertaera bereziak, larrienak izanik ere, herri honetan zeremonia sozial arruntez oroitzera ohitzen ari gara. Gainera, hain dira ugari gure herrian gertatu ohi diren gehiegikeria politikoak ezen gehiegikeria bakoitza galduta gelditzen baita auzoan gertatzen denarekin. Gehiegikeria horiek banan banan aipatzen hasiko bagina errosario luzea osatuko genuke", esan du talde haren izenean Joan Mari Torrealdai auzipetuak.

Auzia ixteko eskatu du, eta une hauetan epaiketara bidean daudela gogoratu du. "Ingurura begira jartzen gara, adierazleren bat bilatu nahian, eta aurkitzen ditugunak ez dira onak. Ilegalizazio gehiago, 18/98koak bezalakoak kartzelan, antzerako akusazio oinarriekin diren beste batzuk ere barruan... Ez, ez dira adierazle onak. Ez dugu aurkitzen baikor izateko zantzurik".

Gaurko elkarretaratzean izan dira, besteak beste, Markel Olano Gipuzkoako ahaldun nagusia (EAJko kidea), Maria Jesus Aranburu Gipuzkoako Euskara diputatua (EAJ), Arnaldo Otegi eta Tasio Erkizia (ezker abertzalea), Xabier Mikel Errekondo (Usurbilgo alkatea, ezker abertzalea), Marian Beitialarraingoitia (Hernaniko alkatea, ezker abertzalea), Onintza Lasa (EAko zuzendaritzakidea), Jon Abril (Aralarreko koordinatzaileordea), Rebeka Ubera (Aralarreko batzarkidea Gipuzkoa), Mikel Izagirre (EBko kidea eta Urnietako alkatea), Antton Karrera (EB), Patxi Agirrezabala (ELAko Komunikazio arduraduna) eta Rafa Diez (LABeko idazkari nagusi ohia).

Comments

]]> Fri, 20 Feb 2009 14:51:57 +0100 Euskarazko formazioa, giltza bat http://errotanberbetan.nireblog.com/post/2009/02/16/euskarazko-formazioa-giltza-bat http://errotanberbetan.nireblog.com/post/2009/02/16/euskarazko-formazioa-giltza-bat Azken bizpahiru hilabeteotan, hainbat prestakuntza saio egin dira Ogasun eta Finantza Departamentuan. Horrela, trebatze saioa egin zuten errentako aldizkako langile finkoek, errenta aitorpena euskaraz betetzeko laguntza jasotze aldera; bestetik, kontabilitate ikastaroa egin zuten euskaraz hainbat langilek departamentuko prestakuntza planaren barruan. Beren iritzia eskatu diegu langile horietako biri.

Langile Euskaldunon Taldearen ustez, lana euskaraz egingo badugu, prestakuntza euskaraz jasotzeko aukera erreala izan behar dugu. Izan ere, horrek beharrezkoak zaizkigun baliabideak emango dizkigu eta zerga alorreko diskurtsoa taxutzen lagunduko digu. Euskaraz lan egiteko giltza bat da prestakuntza. Beharrezkoa da Foru Aldundia eta departamentuak horretaz jabetzea, eta prestakuntza planetan hizkuntza irizpideak erabiltzea. Gainontzekoan, langileok ere prestakuntzako kultur berri batean sartzen joan behar gara: euskarazko saioak ere gure formazio ibilbidean sartzea pixkanaka.

Ondorengo bideoetan elkarrizketaren zati bat grabatuta dago. Testuetan, aldiz, elkarrizketa osoa irakur daiteke; horretarako, sakatu hizkuntzaren gainean:

Jose Ignacio Mendazona

Jon Elortza


Comments

]]> Mon, 16 Feb 2009 11:49:53 +0100 Inskripzioak euskaraz erregistro zibilean http://errotanberbetan.nireblog.com/post/2009/02/14/inskripzioak-euskaraz-erregistro-zibilean http://errotanberbetan.nireblog.com/post/2009/02/14/inskripzioak-euskaraz-erregistro-zibilean Dagoenekoz Donostiako erregistro zibilean egin daitezke jaiotza, heriotza, ezkontza eta tutoretza izen emateak euskaraz. Epaitegiko euskara batzordeak eskubide hau erabiltzera gonbidatu ditu hiritarrak.

Comments

]]> Sat, 14 Feb 2009 22:18:50 +0100 Bazkaria sagardotegian http://errotanberbetan.nireblog.com/post/2009/02/06/bazkaria-sagardotegian http://errotanberbetan.nireblog.com/post/2009/02/06/bazkaria-sagardotegian Aurten ere, iritsi zaigu sagardotegirako ohiko espedizioa egiteko garaia. Ogasuneko Langile Euskaldunon Taldeak gonbitea luzatzen dizue gurekin batera mahaiaren inguruan eta kupelen ondoan elkartzera, betiere giro umoretsuan.

  • Noiz: martxoaren 12an, ostegunean
  • Non: Urkiola sagardotegian (Donostiako Igara auzoa)
  • Zer ordutan: 15:15etan, mundu guztia edalontzia eskutan
  • Zenbat: 33 euro besterik ez

Izena emateko azken eguna martxoaren 4a, asteazkena, izango da. Bazkarira Ogasuneko taldeak deitu arren, Diputazioko lankideengana irekita dago deia.

Izena emateko, Ogasuneko lantoki bakoitzeko ohiko pertsonengana jo behar da edo, bestela, mezua bidali gure taldearen helbidera: langileeuskaldunok(a bildua)gipuzkoa.net

Euskara eta kupela dira

gaurko festaren lokarri

umore ona nagusi eta,

zenbat parre, zenbat irri

gure artera etorri dira

aurten hainbat kide berri

denon beharra daukagu eta

guztiok ongi etorri

Comments

]]> Fri, 06 Feb 2009 13:00:32 +0100 Puntu EUS http://errotanberbetan.nireblog.com/post/2009/02/02/puntu-eus http://errotanberbetan.nireblog.com/post/2009/02/02/puntu-eus “mehatxupean dauden eremu urriko hizkuntzek aurrera egingo badute, horien hiztunek teknologia elektronikoa erabiltzen dutelako izango da”
David Crystal [ Cambridge University, 2004 ]

“prestigio sozialik gabe hizkuntzak desagertu egingo dira”
Amadeu Abril i Abril [ .cat domeinua ]

Euskarak erronka berri bat du: Interneten bere izen propioa sortzea. Interneten, izena eta izana elkarrekin baitoaz. Interneten, izenik ez duena, ez da. Eta hori da euskararen eta euskal kulturaren komunitatearen erronka berria: Interneteko eremu birtualean nazioarteko aitorpena eskainiko dion ikur edo sinboloa sortzea: .EUS domeinua.

Interneten .eus domeinua izan dezagun PuntuEus Elkartea lanean ari da, eta horretarako atxikimenduak biltzen hasi dira helbide honetan: 

http://www.puntueus.org/eu/atxikimenduak


 

Comments

]]> Mon, 02 Feb 2009 08:17:19 +0100 Benta Berritik http://errotanberbetan.nireblog.com/post/2009/01/29/benta-berritik http://errotanberbetan.nireblog.com/post/2009/01/29/benta-berritik Antonio Majók idatzi digu Benta Berritik. Hona hemen berak bidalitako mezua:

Kaixo: Bi lerro bakarrik esateko sorpresa ederrra izan dudala Intranet irekitzerakoan. Ez nekien ezer zuen ekintzataz, nahiz eta Mugikortasun departamentuan (Benta Berrin) lan egin. Zorionak eta aurrera! Ea noiz zabaltzen den Diputazio osora zuen egitasmoak! Euskaltzale bat.

Antonio Majók

Comments

]]> Thu, 29 Jan 2009 13:28:02 +0100 Euskalbar 3.3 http://errotanberbetan.nireblog.com/post/2009/01/29/euskalbar-33 http://errotanberbetan.nireblog.com/post/2009/01/29/euskalbar-33 Firefox nabigatzailearen gehigarrietako bat da. Oso praktikoa da. Euskarazko hiztegi gehienetan kontsultak egiteko balio du: Ellhuyar, Euskalterm, Hiztegi Batua…

Kontsulta bat egiteko hiztegia dagoen web gunera jotzea saihesten du eta, gainera, hiztegi batean baino gehiagotan ere egin daiteke bilaketa. Euskaraz idazten duten guztientzat gomendagarria da Euskalbar, betiere Firefox bidez nabigatzen badute.

Lehen hitz bakarrak bilatu behar ziren; orain, berriz, bilaketa konbinatua egin daiteke (“aire acondicionado”, adibidez).

Comments

]]> Thu, 29 Jan 2009 09:26:46 +0100 Solasean Enpresa Komiteko presidentearekin http://errotanberbetan.nireblog.com/post/2009/01/17/solasean-enpresa-komiteko-presidentearekin http://errotanberbetan.nireblog.com/post/2009/01/17/solasean-enpresa-komiteko-presidentearekin

Diputazioko Langile Komiteko presidente Koldo Muniain elkarrizketatu du Ogasuneko Langile Euskaldunon Taldeak. Muniainek erantzun die langileen hizkuntza ohituren inguruan eta Aldundiko hizkuntza ofizialen erabilera planaren inguruan egindako galderei. Hona ideia nagusiak:

  • "(…), irudipena dut [euskaldunok] oraindik ez dugula euskara normaltasunez erabiltzen"
  • "(…) zer egiten dugu [jendaurreko langileak] lehen hitza euskaraz egiteko gai badira, baina, ondoren, gaiak ebatzi behar dituztenek gazteleraz egiten badute?"
  • "Beraz, sartzen diren langile [berri] guztiek euskal hiztunak behar dute izan, hizkuntza eskubideak bermatu nahi baditugu, behintzat"
  • "(…) ezin dugu esan ‘ez dago nahiko jende [euskarazko taldea osatzeko] eta bertan behera utziko dugu ikastaroa’".

Bideoan elkarrizketaren zati bat grabatuta dago. Testua, aldiz, elkarrizketa osoa irakur daiteke; horretarako, sakatu hizkuntzaren gainean:

Comments

]]> Sat, 17 Jan 2009 00:18:22 +0100 Firefox nabigatzailearen abantailak http://errotanberbetan.nireblog.com/post/2009/01/16/firefox-nabigatzailearen-abantailak http://errotanberbetan.nireblog.com/post/2009/01/16/firefox-nabigatzailearen-abantailak

Web nabigatzailea gaur egun ordenagailuan gehien erabiltzen den aplikazioa da askotan. Gero eta gehiagotan Internetera eta intranetera jotzen dugunez, nabigatzaileek informazioa prozesatzeko gaitasuna areagotu egiten dute.

Firefox nabigatzaileak hainbat abantaila ditu lanean erabiltzen dugun Internet Explorer-ren aldean:

  • Erlaitzetan (”pestaña”) oinarritutako nabigazioa. Orri bat baino gehiago aldi berean irekita eduki daitezke leiho bakar batean (lehenago, hainbat lehio ireki behar ziren).
  • Gehigarriak instalatzeko aukera (hiztegien menu barra...).
  • Eguneratze saio automatikoak.
  • Euskarazko bertsioa du.

Firefox deskargatu

 

 

Comments

]]> Fri, 16 Jan 2009 15:26:05 +0100